اسلام آباد ۔ 6ستمبر (اے پی پی) وفاقی وزیر دفاعی پیداوار زبیدہ جلال خمیس آلے ڈینہہ ہیوی انڈسٹریز ٹیکسلا (ایچ آئی ٹی)دا دورہ کیتے اتے پاک فوج دیاں ضرورتاں پوریاں کرنڑ کیتے ادارہ دی سہولیات جدید بنڑاونڑ کیتے حکومت ولوں پوری معاونت دا یقین ڈیوائے۔چیئرمین ایچ آئی ٹی لیفٹیننٹ جنرل نعیم اشرف وفاقی وزیر کوں ادارہ ایچ آئی ٹی دے تحقیق و ترقی دے شعبہ ،ٹینکاں دی تیاری آرمرڈ پرسنل کیریئرز (اے پی سیز) دی تشکیل نو اتے بین الاقوامی معیارات دے مطابق دفاعی پیداواردے اہداف تے بریفنگ ڈتی۔وفاقی وزیر ایچ آئی ٹی ڈسپلے سنٹر دا وی دورہ کیتے جتھاں الخالد ٹینک، الضرار ٹینک، آرمرڈ پرسنل کیریئر، بلٹ پروف گاڈیاں اتے جیکٹس نمائش کیتے رکھیاں گیاں ہن۔او پاکستان آرڈیننس فیکٹری واہ کینٹ وی گین،جتھاں پی او ایف دے ایگزیکٹو ڈائریکٹر سیّد نسیم رضا انہاں کوں ادارہ دے کردار اتے منصوبیاں بارے ڈسایا۔وفاقی وزیر پی او ایف دے نمائشی مرکز اچ بندوقاں، رائفلز، مشین گنیں، بلٹس، جیکٹس اتے راکٹس ڈٹھین۔
