اسلام آباد ۔ 28 ستمبر (اے پی پی) الیکشن کمشن آکھیے جو ووٹرز 31 دسمبر تئیں اپنڑے ووٹ دا اندراج شناختی کارڈ دے مستقل یا عارضی پتہ تے کرا سگدن کیوں جو الیکشن ایکٹ 2017ءدے سیکشن 27 دے مطابق ہنڑ انتخابی فہرست اچ ووٹ دا اندراج صرف شناختی کارڈ تے درج مستقل یا عارضی پتہ تے کرایا ونج سگدے جیندے کیتے فارم نمبر 21 الیکشن کمیشن آف پاکستان دی ویب سائٹ یا رجسٹریشن افسر/ضلعی الیکشن کمشنر دے دفاتر توں گھدے ونج سگدن۔ترجمان الیکشن کمیشن دے مطابق درخواست گزارسرکاری ملازم اتے اہلخانہ (گھر آلا/گھر آلی اتے بال بچے)ووٹ شناختی کارڈ تے مستقل یا عارضی پتہ توں علاوہ ملازمت پارون عارضی رہائش تے وی اندراج کرا سگدن۔ درخواست گذار کوں فارم نمبر 21 آپ جمع کراونڑاں ہوسی نتاں فارم اختیار نامہ دے نال بذریعہ اپنڑے والد، والدہ،شوہر /زال،پتر/دھی دی ہتھوں وی کرایا ونج سگدے۔رائے دہندگان اپنڑے ووٹ دے اندراج دی تفصیل اپنڑا شناختی کارڈ نمبر 8300 تے پٹھ تے وی جانڑسگدن۔
