اسلام آباد ۔ 25 ستمبر (اے پی پی) قومی اسمبلی کو ں ڈسایا گئے جو پاکستان تحریک انصاف دی حکومت تریخ اچ پہلی واری قنونی اتے غیر قنونی مہاجراں دے اعداد و شمار کٹھے کرنڑ شروع کرڈتن ‘ وزیراعظم عمران خان پاکستان اچ جمنڑ آلے مہاجراں دے بالاں کوں شہریت ڈیونڑ دے حوالے نال پالیسی بیان ڈتے ،تاں جوایںحوالے نال کوئی وی فیصلہ پاکستان دے آئین‘ قنون کوں مدنظر رکھ تے اتے ساریاں پارلیمانی جماعتاں کوں اعتماد اچ گھن تے کیتا ویسی ۔ منگل کوں قومی اسمبلی اچ حنا ربانی کھر دے پاکستان اچ رہونڑآلے مہاجراں اتے غیر قنونی تارکین وطن کوں پاکستانی شہریت ڈیونڑ توں متعلق توجہ مبذول نوٹس داجواب ڈیندے ہوئیں وفاقی وزیر ڈاکٹر شیریں مزاری آکھیا جو وزیراعظم کراچی اچ ہک پالیسی دا اعلان کیتا ہا ایندے اچ قنونی اتے انسانی محرکات ہن۔ ایندے تے عملدرآمد دا فیصلہ باقاعدہ طریقہ کار نال پارلیمنٹ کو ں اعتماد اچ گھن تے کیتا ویسی۔ انہاں آکھیا جو ہک بندہ جیرھاپاکستان اچ جمے اتے اوہ بطور مہاجر رجسٹرڈ کائنی ہے۔ پاکستان دے متعلقہ قنون کوں مدنظر رکھ تے ایں بارے فیصلہ کیتا ویسی
