اسلام آباد ۔ 26 ستمبر (اے پی پی) پاکستان ریلوے مسافراں دے سوکھ کیتے یکم اکتوبر توں لاہور توں فیصل آباد ٹرین سروس شروع کریسی۔وزارت پاکستان ریلوے دے حکام ”اے پی پی“ کوں ڈسائے جو لاہور توں فیصل آباد کیتے ٹرین سروس یکم اکتوبر کوں چلسی جیہڑی سویلے 8 وجے لاہور توں ٹرسی اتے 10 وجے فیصل آبادپجسی، ولا فیصل آباد تون ڈینہہ ڈھائی وجے ٹرسی اتے شامی ساڈھے چار وجے لاہور پجسی۔انہاں آکھیے جو وفاقی وزیر برائے ریلوے شیخ رشید احمدترائے ٹریناں شروع کرنڑ دا اعلان کیتے ، انہانں اچ فیصل آباد توں لاہور، موہنجوداڑو اتے روہی ایکسپریس شامل ہین۔
