پاکستان متوسط طبقے دی وڈی مارکیٹ ہے، اتھاں ودھ ساری نینگراں دی افرادی قوت ، چین، وسطی اتے جنوبی ایشیا دے سنگم تے واقع ہونڑ دی بنیاد تے شاندار مواقع موجود ہن وزیر خارجہ شاہ محمود قریشی داامریکی تھنک ٹینک انٹلانٹک کونسل دے زیراہتمام کاروباری رہنماواں، تجزیہ کاراں اتے ذرائع ابلاغ دے نمائند یں دے اجتماع نال خطاب

نیویارک ۔ 26 ستمبر (اے پی پی) وزیر خارجہ شاہ محمود قریشی ملک اچ قنون دی حکمرانی قائم کرنڑ اتے بد عنوانی تے سرخ فیتے کوں منڈھوں مکاونڑ دے حکومتی عزم کوں اجاگر کریندے ہوئیں آکھیے جو 25 جولائی دے عام انتخابات اچ پاکستان دے عوام واضح طورتے تبدیلی دے حق اچ اپنڑاں فیصلہ ڈتے۔ وزیر خارجہ ایہ گالھ امریکی تھنک ٹینک انٹلانٹک کونسل دے زیراہتمام کاروباری رہنماواں، تجزیہ کاراں اتے ذرائع ابلاغ دے نمائنداں دے اجتماع نال خطاب کریندے ہوئیں آکھی۔ وزیرخارجہ کاروبار دوست پاکستان سانگے نویں حکومت داویژن پیش کریندے ہوئیں آکھیے جو لکھاں پاکستانی نینگراں سانگے روزگار دے مواقع پیدا کرنڑ حکومت دی پہلی ترجیح ہے۔ شاہ محمود قریشی شرکاءکوں پاکستان اچ سرمایہ کاری دے ماحول اتے مواقع بارے ڈسایا ۔انہاں آکھیے جو پاکستان متوسط طبقے دی وڈی مارکیٹ ہے اتے اتھاں ودھ ساری نوجوان افرادی قوت موجود ہے۔ چین، وسطی اتے جنوبی ایشیا دے سنگم اچ واقع ہونڑ دی بنیاد تے اتھاں شاندار مواقع موجود ہن ۔انہاں آکھیے جوپاکستان اچ کاروبار سانگے غیر ملکی کمپنیاں کیتے صورتحال اچ بی چنگائی لاتی ویسی۔ کئی مشہور کثیر القومی کارپوریشناں اتے بین الاقوامی فرنچائز کمپنیاں پہلے توں ہی کم کریندیاں پن اتے کئی عشراں توں منافع آلا کاروبار کریندیاں پن ۔ وزیرخارجہ خاص طورتے ٹیلی نار گروپ دے چیف ایگزیکٹو آفسر اتے صدر سگوی بریکی دا شکریہ ادا کیتاجیرھا جو پاکستان دی سرمایہ کاری دی صلاحیت بارے اظہار خیال سانگے ناروے توں آئے ہن۔ وزیر خارجہ شاہ محمود قریشی خارجہ تعلقات دے حوالے نال گالھ بات کریندے ہوئیں جنوبی ایشیا اچ امن واستحکام دے حصول اتے ہمسایہ ملکاں دے نال فعال رابطے دے حوالے نال وزیراعظم عمران خان دی سوچ دااظہار کیتا۔ انہاں حکومت دے ترقیاتی ایجنڈے دے حصول سانگے سرمایہ کاری راغب کرنڑ دے ضمن اچ حکمت عملی د اوی خاص طورتے ذکر کیتا۔