اسلام آباد ۔ 6ستمبر (اے پی پی) وفاقی وزیر اطلاعات و نشریات چوہدری فواد حسین ذرائع ابلاغ دی آزادی کوں ریاست سانگے اہم قرار ڈیندے ہوئیں آکھیےءجو پاکستان کو ںترقی دے رستے تے ٹورنڑ اساڈاا منشور ہے اتے اقتدار سنبھلیندے ہی ایندے تے عمل در آمد دا آغاز کر ڈتے ،ایں ضمن اچ ،میڈیا دا اہم کردار اے ، میڈیا دے حوالے نال کوئی وی قانون سازی صحافتی تنظیماں دے مشورے نال کیتی ویسی ،سرکاری اشتہارات دی ونڈ دافارمولا صحافتی تنظمیاں دے مشورے نال وضع کیتا ویسی ۔اے گال انہاں اتھاں خمیس کوں مقامی ہوٹل اچ کونسل آف نیوز پیپر ایڈیٹرز (سی پی این ای) دی سٹیڈنگ کمیٹی دے اجلاس نال خطاب کریندے ہوئیں کیتا ۔وفاقی وزیر اطلاعات تقریب دے شروع اچ یوم دفاع دا ذکر کریندے ہوئیں آکھیا جو م دے ڈینھ اپنڑے شہیداں کوں خراج عقید ت پیش کریندوں جنہاں اپنڑیاں جاناں دا نذرانہ پیش کرتے مادر وطن دا دفاع کیتا ۔پورا ملک انہاں شہیداں دے لہو دا قرض دار ہے ،جنہاں ایں ملک دے تحفظ تے دفاع سانگے اپنڑیاں جاناں دے نذرانے پیش کیتے ۔اساں انہاں کوں سلام پیش کریندون ۔ وزیر اطلاعات پورے ملک اچ ذرائع ابلاغ دی صورت حال دا ذکر کریندے ہوئیں آکھیا جو 70سال توں میڈیاتے سیاسی سنسر شپ ہئی اساں سرکاری میڈیا توں سیاسی سنسر شپ دا خاتمہ کیتا ۔انہاں آکھیا میڈیا کوں ریگولیٹ کرنڑ دا مقصد سنسر شپ کائنی بلکہ اداریں کوں مضبوط کرنڑاں ہے ۔ایں حوالے نال کوئی وی قانون سازی ہوسی تاں ایندے اچ میڈیا تے اپوزیشن کوں نال گھن تے ٹرسوں۔ایں موقع تے سی پی این ای دے صدر عارف نظامی، سیکرٹری جنرل ڈاکٹر جبار خٹک اتے بئے عہدیداران وفاقی وزیر اطلاعات کو ںمنصب سنبھالنڑ تے مبارخ ڈتی ۔ انہاں ملک اچ آزادی صحافت دی صورتحال میڈیا اتے صحافیاں کوں درپیش مسلیں ، مجوزہ میڈیا ریگولیٹری اتھارٹی دے حوالے نال اپنڑیاں تجویزاں پیش کیتیاں ۔
