اسلام آباد ۔ 20ستمبر (اے پی پی) وزیراعظم عمران خان آکھیے جو پاکستان ہر اوکھے وقت اچ ہمیشہ سعودی عرب دے نال کھڑاں ہوسی تے کہیں ڈوجھے ملک کوں ایندے تے حملہ کائناں کرنڑ ڈیسی ۔سعودی گزٹ کوں انٹر ویو دے دوران حوثی باغیاں دے حملے جیرھے جو مسلسل سعودی عرب تے فائر کیتے ویندے پن اتھاں تئیں جو حرم کوں وی نشانہ بنڑاونڑ دی کوشش کریندن ایندے متعلق سوال دے جواب اچ وزیراعظم عمران خان آکھیا جو اے اساڈی ساریاں حکومتاں دا واضح موقف رہیا ہے جو اساں کہیں وی سعودی عرب تے حملے دی اجازت کائناں ڈیسوں تے ہمیشہ سعودی عرب دے نال کھڑسوں۔“مشرق وسطیٰ جھیڑے دے حوالے نال وزیراعظم آکھیا جو مسلم ملکاں وچال جھیڑے دا اساکوں ڈکھ لگدے تے پاکستان امت مسلمہ کوں ہک ڈوجھے دے نیڑے گھن آونڑ سانگے مصالحتی کردا ر ادا کریسی تاں جو عمران خان ایں گال تے زور ڈیندے ہوئیں آکھیا جو او جھیڑے دے فوجی حل تے یقین کائنی رکھیندے تے سمجھدن جو ہر جھیڑے دا حل سیاسی حل ہوندے ۔انہاںآکھیا یمن دے جھیڑے اچ مثبت کردار ادا کر سگدے ۔
