اسلام آباد ۔ 20ستمبر (اے پی پی) پاک بحریہ دے سربراہ ایڈمرل ظفر محمود عباسی امریکہ اچ منعقدہ 23 ویں عالمی سی پاور سمپوزیم اچ شرکت کیتی۔ ترجمان پاک بحریہ ولوں خمیس کوں جاری تھیونڑ آلے بیان دے مطابق سمپوزیم دے انعقاددا مقصد سانجھے میری ٹائم چیلنجز نال نبڑنڑ سنگے عالمی بحری اقوام کوں ہک پلیٹ فارم ڈیونڑاں ہے ۔ترجمان پاک بحریہ ڈسایا جو سمپوزیم اچ150ملکاں دے وفداں سمیت 80 ملکاں دی بحری فوج دے سربراہ شرکت کریندے پن ۔انہاں آکھیا جو پاک بحریہ دے سربراہ ایڈمرل ظفر محمود عباسی امریکی حکام سمیت ترکی اتے برازیل دی بحری فوج دے سربراہیں نال خصوصی ملاقاتاں کیتیاں ایں دوران سانجھے تعاون دے امور تے گال بات کیتی گی ۔
