پاک فوج دے سربراہ جنرل قمر جاوید باجوہ بئے 11خطرناک دہشت گرداں دی سزائے موت ،4قیدیاں کوں سزائے ڈیونڑ دی توثیق کر ڈتی

راولپنڈی۔ 28 ستمبر (اے پی پی) پاک فوج دے سربراہ جنرل قمر جاوید باجوہ بئے 11خطرناک دہشت گرداں دی سزائے موت ،4قیدیاں کوں سزائے ڈیونڑ دی توثیق کر ڈتی اے۔اے دہشت گرد مسلح فوج،قانون نافذ کرنڑ آلے اداریاں،سویلین تے حملیاں اتے تعلیمی اداریاں کوں تباہ کرنڑ دی کاروائیاں اچ براہ راست ملوث ہن جنہاں اچ49شہریاں اتے سکیورٹی فورسز دے 20نینگر سمیت شہید اتے 148بندے زخمی تھیے ہن۔پاک فوج دے شعبہ تعلقات عامہ (آئی ایس پی آر )دے مطابق عین اللہ ولد بشرخان کالعدم تنظیم د ارکن ہئی۔اے دہشت گرد جمشید دا سہولت کار ہئی جیڑھا جو دھماکہ خیز ڈیوائس بنڑاونڑ اتے مرمت دے نال نال سوئیکارنوچوک پشاور تے حملے اچ ملوث ہئی جئیں اچ 48شہید اتے109زخمی تھیے ہن ۔جوڈیشل مجسٹریٹ اتے ٹرائل کورٹ اچ سارے جرائم منڑ تے اونکوں سزائے موت سنڑائی گئی ہئی ۔نیک ولی ولد گل میر خان کالعدم تنظیم دا رکن ہئی۔