معاہدے دے تحت ڈوسال اچ جنوبی پنجاب دی طالبات سانگے 90کروڑ روپے دے انٹرلےول سانگے20ہزارودھیکی وضائف ڈتے ویسن
لاہور۔27 ستمبر(اے پی پی )پنجاب ایجوکیشنل انڈومنٹ فنڈ اتے ڈیفڈ ’ جنوبی پنجاب دی طالبات سانگے خصوصی وظائف دا اعلان کرڈتا ۔ پنجاب ایجوکیشنل انڈومنٹ فنڈ یو کے ایڈ دے مالی تعاون نال سال 2018 -2020 اچ معاہدے دے تحت ڈوسال اچ جنوبی پنجاب دی طالبات سانگے 90کروڑ روپے دے انٹرلےول سانگے20ہزارودھیکی وضائف ڈتے ویسن۔ایں توں پہلے ایں نوعیت دے پروگرام دے تحت ادارہ جنوبی پنجاب دے گھٹ ترقی یافتہ 11ضلعیاں دی طالبات کوں 2013ءتوں2018ءتئیں 34,000توں ودھ وظیفے جنہاں دی مالیت 1ارب62کروڑ روپے اے ڈے چکیے۔گزریل پنج سالیں دی کارکردگی ڈیکھدیں ہوئیں یو کے ایڈ ایں پراجیکٹ دے تحت جنوبی پنجاب دے 16ضلعیاں سانگے 90کروڑ روپے دے بئے 20,000وظیفے دا ودھارا کیتے۔
