لاہور۔12 ستمبر(اے پی پی )پنجاب کابینہ اچ بئے بارہاں صوبائی وزیر رلا گھدے گین،نویںوزیراں توں گورنر پنجاب چوہدری محمد سرورحلف گھدے۔حلف چاونڑ آلے وزیراں اچ میاں خالد محمود ، محمد جہانزیب خان کھچی،پیر سید سعید الحسن شاہ ، محمد اسلم ، سید حسنین جہانیاں گردیزی ، محمد اجمل ، محمد اخلاق ، آشفہ ریاض ،شوکت علی لالیکا ، زوار حسین وڑائچ ، اعجاز مسیح اتے محمد اختر شامل ہن۔تقریب اچ وزیر اعلیٰ پنجاب عثمان احمد خان بزدار،صوبائی وزرائ، مشیر وزیر اعلیٰ پنجاب محمد اکرم چوہدری، انسپکٹرجنرل آف پولیس پنجاب ،ممبران صوبائی اسمبلی اتے صوبائی سیکرٹریزاتے بیاں اہم شخصیتاں شرکت کیتی۔تقریب توں پہلے گورنر پنجاب چوہدری محمد سرور نال وزیرِاعلیٰ پنجاب عثمان احمد خان بزدارملاقات کیتی اتے انہاں نال صوبے اچ امن و امان اتے بنھاں معاملیاں تے گالھ مہاڑ کیتی۔
