پورے ملک اچ یوم عاشور عقیدت تے احترام نال منایا ویندا پئے

APP05-20 HYDERABAD: September 21 – A view of Markazi Juloos during Yom-E-Aashora Procession outside Qadamgah Moula Ali on 10th of Muharramul Harram, the month of mourning for the death of Imam Hussein, the grandson of the Holy Prophet Mohammad (PBUH) in the Battle of Karbala in 680CE, almost 50 years after the death of the Prophet. APP photo by Akram Ali

اسلام آباد ۔ 21ستمبر (اے پی پی) حضرت امام حسین رضی اللہ تعالیٰ عنہ اتے انہاں دے وفقا دیاں عظیم قربانیاں تے انہاں کوں خراج عقیدت پیش کرنڑ سانگے پورے ملک اچ یوم عاشور عقیدت تے احترام نال منایا ویندا پئے ۔جمعے کوں پورے ملک دے سارے شہراں تے قصبیں توں علم ذوالجناح اتے تعزیے دے جلوس بر آمد تھے ۔علما ءکرام ذاکرین ایں موقع تے حضرت امام حسین دی تعلیمات تے سانحہ کربلا دے مختلف پہلو کوں اجاگر کریندے پن ۔ سندھ اچ محرم دا مرکزی جلوس نشتر پارک کراچی توں برآمد تھیا جیرھا جو شام کوں امام بارگاہ حسینیہ ایرانیہ کھارادر اچ ونج تے مک ویسی ۔ سندھ دے وزیراعلیٰ سید مراد علی شاہ کراچی اچ صدر اتے ایم اے جناح روڈ اچ مرکزی جلوس دے رستے دا دورہ کیتا تے سیکورٹی دے انتظامات دا جائزہ گھدا ۔ انہاں جلو س دے منتظمین نال ملاقات کیتی تے متعلقہ حکام کوں ساریاں سہولتاں ڈیونڑ دی ہدایت کیتی ۔ خیبرپختونخوا اچ ڈاہ محرم الحرام دا علم اتے ذوالجناح دامرکزی جلوس امام بارگاہ علمدار کربلا قصہ خوانی بازار پشاور توں نماز جمعہ دے بعد بر آمد تھیا ۔ سکیورٹی وجوہات دی بنا تے صوبائی دارالحکومت اچ موبائل فون سروس معطل ہے۔ کوہاٹ، بنوں، ہنگو ،لکی مروت ، پاراچنار، ڈیرہ اسماعیل خان اتے صوبے دے ڈوجھے علاقیں اچ علم اتے ذوالجناح دے جلوس کڈھیے گن ۔ بلوچستان اچ کوئٹہ اچ علم، تعزیہ اتے ذوالجناح دا مرکزی جلوس سویل امام بار گاہ نیچاری علمدار روڈ توں بر آمد تھیا جیرھا جو مغرب دے بعد اپنڑی منزل تے ونج تے اختتام پذیر تھیسی۔ جلوس دی سی سی ٹی وی کیمریں نال نگرانی کیتی ویندی پئی اے تے نگرانی سانگے کنٹرول روم قائم کیتا گے ۔آزاد کشمیر دے ڈاہ ضلعیں اچ علم تے ذوالجناح تے تعزے دے چھوٹے وڈے جلوس کڈھیے ویندے پن ۔صدرمملکت عارف علوی نو اتے ڈاہ محرم دے موقع تے اپنڑے پیغام اچ آکھیے جو حضرت امام حسین دی شہادت دا واقعہ اساکوں درس ڈیندے جو اساں دہشت گردی تے انتہا پسندی تے عدم برداشت تے مبنی نظریے دے خلاف جنگ لڑنڑ توں وی گزیر نی کرنڑاں چاہیدے ۔انہاں محبت تے بھرپی دے ودھارے تے زور ڈتے ۔