اسلام آباد ۔ 19ستمبر (اے پی پی) چیئرمین سینیٹ محمد صادق سنجرانی دی قیادت اچ سینیٹ دا 4 رکنی پارلیمانی وفد اج سویل اسلام آباد توں آذربائیجان دے دورے تے روانہ تھی گیا ۔ ایوان بالاءدے وفد کوں آذربائیجان دی پارلیمنٹ دے چیئرمین پارلیمنٹ دی صد سالہ تقریبات اچ شرکت دی دعوت ڈتی اے ۔ وفد اپنڑے دورے دے دوران آذربائیجان دی صد سالہ تقریبات اچ شرکت کرنڑ دے علاوہ آذربائیجان دے صدر اتے وزیراعظم نال وی ملاقات کریسی ۔ چیئرمین سینیٹ آکھیے جو پاکستان اتے آذربائیجان دے آپس اچ دوستانہ تعلقات ہن تے پارلیمانی وفددے تبادلے نال سانجھے رابطے کوں ودھارا تھیسی ۔ وفد اچ سینیٹ اچ قائد ایوان ، سینیٹرز سردار محمد اعظم خان موسیٰ خیل ‘ محمد ایوب آفریدی اتے نگہت مرزا شامل ہن۔
