اسلام آباد ۔ 28 ستمبر (اے پی پی) چیف الیکشن کمشنر جسٹس سردار محمد رضا دے زیر صدارت چارے صوبیاں اچ ضمنی انتخابات 2018ءاتے ایندیان تیاریاں بارے اہم اجلاس تھئے جیندے اچ الیکشن کمیشن دے ارکان، سیکرٹری الیکشن کمیشن ، چارے صوبائی الیکشن کمشنر ز، صوبائی سیکریڑیز لوکل گورنمنٹ ، چیف کمشنر اسلام آباد، سیکرٹری فاٹا سیکرٹریٹ ، ڈائریکٹر ملٹری لینڈاینڈکنٹونمنٹ دے نال نال الیکشن کمیشن دے اعلی افسران / عہدیداران وی شرکت کیتی۔ اجلاس اچ الیکشن ایکٹ 2017ء، صوبائی لوکل گورنمنٹ قوانین اچ مطابقت ،ضمنی انتخابات سانگے مشکلاں ، انہاں دے حل اتے نویں شماریاتی بلاک سکیم 2017ءدے تحت بنڑائے ونجنڑ آلیاں انتخابی فہرستاں تے گالھ مہاڑ کیتی گئی۔اجلاس اچ فیصلہ کیتا گئے جو لوکل گورنمنٹ دے ضمنی انتخابات اچ مشکلات مکا تے انتخابات کرائے ویسن۔
