یوم عاشوراساکوں کربلادے عظیم شہیداں دیاں عظیم قربانیاں دی یاد ڈویندے ،وزیر اطلاعات ونشریات چوہدری فواد حسین دا یوم عاشورہ دے موقع تے پیغام

اسلام آباد ۔ 21ستمبر (اے پی پی) وزیر اطلاعات ونشریات چوہدری فواد حسین آکھیے جو یو م عاشور اساکوں کربلا دے شہیداں دیاں عظیم قربانیاں دی یا د ڈویندے اتے اساکوں ایں گال دا درس ڈیندے جو باطل دی طاقت حق کوں کڈاہیں وی دبا نی سگدی ،واقعہ کربلا اساکوں جبر دے خلاف لڑنڑ تے آواز بلند کرنڑ تے حق تے صداقت دی سر بلندی دا در س ڈیندے ۔یوم عاشور دے موقع تے جمعے کوں اپنڑے پیغام اچ وزیر اطلاعات آکھیا جو حضرت امام حسین رضی اللہ عنہ تے انہاں دے رفقا دی شہادت نال اسلام کوں ہک نویں زندگی ملی ۔امام حسین رضی اللہ عنہ حق تے صداقت تے اسلام دی سر بلندی سانگے اپنڑے بالاں تئیں کوں قربان کر ڈتا تے جو خدا دی اطاعت ساریں توں مقدس ہے ۔انہاں آکھیا واقعہ کر بلا اساکوں جبر دے خلاف لڑنڑ ،آواز بلند کرنڑ تے حق تے صداقت دی سر بلندی دا درس ڈیندے ۔وفاقی وزیر مزید آکھیا جو ساری دنیا دے مسلماناں اچ امام حسین رضی اللہ عنہ دا غم سانجھا ہے تے مسلمان اتحاد تے اخوان المسلمین در حقیقت شر پسند قوتاں دی شکست ہے ۔انہاں آکھیا امام حسینؓ اپنڑیاں جاناں دا نذرانہ پیش کرتے اساکوں درس ڈتے جو کڈاہیں وی برائی دے سامنڑے جھکیا نہ ونجے ۔انہاں آکھیا حضور صلی اللہ علیہ ولہ وسلم دے خانوادے اللہ تعالیٰ دی ذات نال اپنڑی محبت کوں ثابت کرنڑ سانگے مذہب سانگے ہر طرح دی قربانی پیش کیتی ۔