یوم عاشور دے موقع تے سپیکر قومی اسمبلی اسد قیصر اتے ڈپٹی سپیکر قومی اسمبلی دا پیغام

اسلام آباد ۔ 21ستمبر (اے پی پی) سپیکر قومی اسمبلی اسد قیصر آکھیے جو اساں اسوہ شبیری تے عمل کریندے ہوئیں سانجھے اختلافات ،تنگ نظری تے فرقہ واریت کوں بھلا کراہیں اتحاد دے بھرپی دے ودھارے دے ذریعے اپنڑیاں مشکلات تے قابو پا سگدوں ، حضرت امام حسین ر ضی اللہ عنہ اتے انہاں دے ساتھی قرآنی تعلیمات،برداشت،قربانی اتے جذبہ شہادت دی ہک لازوال مثال ہن۔سپیکر قومی اسمبلی اسد قیصر یوم عاشور دے موقع تے قوم دے ناں پیغام اچ آکھیا جو واقعہ کربلا اللہ تعالی اتے یوم آخرت تے غیر متزلزل ایمان، بے مثال تقویٰ، بہادری،اللہ دی راہ اچ صبر اتے قرآن مجید اچ بیان شہادت دے جذبے داہک بہترین نمونہ ہے جیرھا جو قیامت تئیںیاد رکھیا ویسی ۔۔ ڈپٹی سپیکر قومی اسمبلی قاسم خان سوری اپنڑے پیغام اچ آکھیا جو یوم عاشورہ دا معرکہ جیرھا جو سچائی اتے باطل قوتاں وچال پیش آئے مسلماناں کوں حق تے سچ سانگے باطل قوتاں دے سامنڑے سینہ سپر ہوونڑ دا درس ڈیندے ۔انہاں آکھیا ایہو او رستہ ہے جیرھا حضرت محمد اساکوں عمل پیرا تھیونڑ دا درس ڈیندے ،جیں سانگے حضرت امام حسین رضی اللہ تعالی عنہ تے انہاںدے ساتھی بے مثال قربانیاں ڈتیاں ۔