اسلام آباد ۔ 7ستمبر (اے پی پی)یوٹیلٹی سٹورز کارپوریشن پنج سالاں اچ مختلف شئیں تے عوام کوں 23.279 ارب روپے دی سبسڈی ڈتی اے۔ ذرائع دے مطابق رمضان پیکیج اتے وزیراعظم ریلیف پیکیج دے تحت کل 11881.504 ملین روپے سبسڈی اچوں رمضان پیکیج دے تحت 8672.066 ملین روپے جڈاں جو وزیراعظم ریلیف پیکیج دے تحت 2725.908 ملین روپے سبسڈی ڈتی گئی۔ مالی سال 2013-14ءدے دوران 12554.778 ملین روپے، 2014-15ءدے دوران 2873.557 ملین روپے، 2015-16ءدے دوران 1779 ملین روپے، 2016-17ءدے دوران 4250.603 ملین روپے جڈاں جو 2017-18ءاچ 1821.069 ملین روپے سبسڈی ڈتی گئی۔ 2013-14ءاچ کھنڈ تے 10447.828 ملین جڈاں جو 2014-15ءاچ 1433.675 ملین روپے سبسڈی ڈتی گئی۔ 2013-14ءاچ رمضان پیکیج دے تحت 2106.949 ملین روپے جڈاں جو 2014-15ءاچ 1439.882 ملین روپے، 2015-16ءاچ 1545.534 ملین روپے، 2016-17ءاچ 1846.692 ملین روپے جڈاں 2017-18ءاچ 1733 ملین روپے سبسڈی ڈتی گئی۔
