اسلام آباد ۔ 24 ستمبر (اے پی پی) الیکشن کمیشن آکھیے جو 37حلقیں اچ 14 اکتوبر کو ں تھیونڑ آلے ضمنی انتخابات ترمیمی ووٹرز لسٹ تے تھیسن ،اے لسٹ متعلقہ ضلعیں کوں جاری کر ڈتی گی اے ۔الیکشن کمیشن دے مطابق قومی اسمبلی دیاں 11تے صوبائی اسمبلی دیاں 26سیٹاں تے ضمنی الیکشن تھیندے پن ۔اے وی آکھیا گے جو ایں وقت ملک اچ مجموعی رجسٹرڈ ووٹراں دی تعداد 10کروڑ 60 لکھ 239 ہے جیں اچ 55.89 فیصد 5 کروڑ 92 لکھ 44 ہزار 889 ووٹرز مرد جڈاں جو تریمت ووٹرزدی تعداد 44.11 فیصد 4کروڑ 67 لکھ 56ہزار 350 ہے۔ الیکشن کمیشن دے نویں اعداد وشمار دے مطابق پنجاب اچ رجسٹرڈ ووٹراں دی تعداد 6 کروڑ 6لکھ97 ہزار 418 ہے۔ سندھ اچ 2 کروڑ 23 لکھ 94ہزار 212، خیبر پختونخوا اچ ہک کروڑ کروڑ 24 لکھ 38 ہزار 375، بلوچستان اچ 43 لکھ 2ہزار 304 اتے وفاقی دارالحکومت اچ 7 لکھ 66 ہزار 460 ہے۔
