حکومت قومی علماءمشائخ کونسل دیاں سفارشاں تے پورا عمل کریسی،وفاقی وزیر مذہبی امور پیر نور الحق قادری

لاہور۔29 اکتوبر(اے پی پی ) وفاقی وزیر مذہبی امور و بین المذاہب ہم آہنگی پیر نور الحق قادری دے زیر صدارت اجلاس اچ قومی علماءمشائخ کونسل دا اعلمیہ جاری کیتا گئے جیندے اچ آکھیا گئے جو حکومت قومی علماءمشائخ کونسل دی سفارشات تے بھر پور عمل کریسی،ملک اچ مذہبی ہم آہنگی سانگے کونسل دے مفید اثرات ہیٹلی سطح تئیں پچایا ویسی ، سارے مسالک دے نمائندگان دا وفد وزارت دے زیر نگرانی مدارس دینیہ دا دورہ کریسی۔کونسل حکومت دے ”کلین اینڈ گرین پروگرام “دی وی حمایت کریندی اے، علما کرام ایں سانگے مدارس ، مساجد منبر و محراب دے ذریعے ودھ درخت لاونڑ دا سنیہڑا اگوتے پچیسن۔وفاقی وزیر آکھیا جوعلماءکونسل دا دائرہ کار صوبائی اتے ضلعی سطحی تئیں ودھاونڑ دے اقدامات کیتے ویسن۔ کونسل صوبائی اور ضلعی سطح تے علماءمشائخ کونسل ، متحدہ علماءبورڈ دے قیام‘کونسل دے سالانہ 3 یا 4 اجلاس مختلف شہراں اچ کراونڑ،ہک واری ساریاں علماءمشائخ کونسلز دا مشترکہ اجلاس سڈنڑ،صوبائی علماءو مشائخ کونسلاں اچ متعلقہ صوبے دے قومی علماءو مشائخ دے ممبران رلاونڑ، قومی علماءو مشائخ کونسل کوں قانونی حیثیت ڈیونڑ ¾ غیر مسلماں کیتے آئین و قانون اچ مینارٹی دا لفظ حذف کرتے غیر مسلم استعمال کرنڑ دیاں سفارشاں پیش کیتاں۔