وفاقی وزیر اطلاعات تے نشریات چوہدری فواد حسین دا عالمی یوم ڈاک دی مناسبت نال پوسٹل سٹاف کالج اچ تھیونڑ آلی تقریب توں خطاب،صحافیاں نال گالھ مہاڑ

اسلام آباد ۔ 9 اکتوبر (اے پی پی) وفاقی وزیر اطلاعات و نشریات چوہدری فواد حسین آکھیا جو قومی ادارے خسارے اچ چلسن تاں حکومت کوں مجبو تھی کراہیں نہ چاہندیں ہوئیں وی آئی ایم ایف ڈے ونجنڑ دا کوڑا گھٹ بھرنڑاں پمسی،آئی ایم ایف،چین ،سعودی عرب،یو اے ای سمیت چار پنج مالیاتی پیکیج آونڑ نال پاکستان اچ ڈالر دے نرخ معمول تے آ ویسن،حکومت وڈے وڈے اتے کوڑے فیصلے کر گھدن اتے چنگا ویلھا شروع تھیند اپئے جلدی اوندے چنگے نتیجے ملسن،قومی اسمبلی دے قواعد و ضوابط دے تحت ریکوزیشن تے مطلوبہ تعداد دے برابر ارکان دے دستخط تے قومی اسمبلی دا اجلاس سڈیا ونج سگدے،پوری دنیاد ے پوسٹل سروسز اداریاں وانگوں پوسٹل سروسز کوںوی منافع بخش ادارہ بنڑاونڑ سانگے ساری صلاحیتاں لاتی ویسن،آئی جی پنجاب کوں حکومتی اقدامات تے ویلھے تے عمل نہ کرنڑ تے ہٹایا گئے ،بیوروکریسی کوں واضح سنھیا اے جو جیڑھا کم کریسی او عہدے تے رہسی۔او منگل کوں عالمی یوم ڈاک دی مناسبت نال پوسٹل سٹاف کالج اچ تھیونڑ آلی تقریب توں خطاب،صحافیاں نال گالھ مہاڑ کریندے پئے ہن ۔سیکرٹری پوسٹل سروسز پیر بخش جمالی، ڈی جی پوسٹل سروسز روبینہ طیبہ سمیت پوسٹل سروسز دے بئے حکام وی موجود ہن وفاقی وزیر پوسٹل سٹاف کالج دے احاطہ اچ شجر کاری مہم دے تحت پودا وی لاتا۔