روم ۔ 17 اکتوبر (اے پی پی) پاک فوج دے سربراہ جنرل قمر جاویدباجوہ دورہ اٹلی دے دوران اٹلی دے وزیر دفاع ، آرمی چیف اتے سیکرٹری جنرل آف ڈیفنس نال ملین اتے انہاں نال ڈوطرفہ دفاعی اتے سکیورٹی تعاون ودھاونڑ، علاقائی امن و سلامتی کیتے مشترکہ اقدامات تے الوایا۔اطالوی قیادت علاقائی امن اتے دہشتگردی مکاونڑکیتے پاکستان دے کردار دی تعریف کریندے آکھیا جو پاکستان خوشحالی دو ویندا ملک اے، اٹلی پاکستان نال اپنڑے تعلقات کوں بیا ودھاونڑچاہندے۔ایں موقع تے آرمی چیف جنرل قمر جاوید باجوہ آکھیا جو دہشت گردی دے خلاف جنگ اچ کامیابی قوم دیاں قربانیاں اتے جذبے پاروں ملی اے، قبائلی عوام، شہداءاتے غازیان دے خانداناں وی دہشتگردی دے خلاف جنگ اچ اہم کردار ادا کیتے،ایں ویلھے پاکستان ولا ہک پر امن اتے مضبوط بنڑ تے ابھردا پئے۔آرمی چیف جنرل قمر جاوید باجوہ کوں اٹالین دفاعی صلاحیت نال وی آگاہ کیتا۔انہاں اٹلی اچ پاکستانی کمیونٹی نال مالقات کیتی اتے اٹالین دفاعی صنعتاں دا وی دورہ کیتا۔
