ابوظہبی ۔ 16 اکتوبر (اے پی پی)ابوظہبی ٹیسٹ، پاکستانی ٹیم پہلی اننگز اچ 282 رنز تے آﺅٹ، 57 رنز تے پہلیاں 5 وکٹیں ڈھانڑ دے بعد فخر زمان اتے سرفرازٹیم کوں اوکھ توں کڈھیے، ڈوہیں بلے باز 94، 94 رنزبنڑا تے آﺅٹ تھین، نیتھن لیون دیاں 4 اتے لبوشگنے دیاں 3 وکٹاں، جواب اچ آسٹریلوی ٹیم وی اوکھی،20 رنز تے 2 وکٹاں ڈھے گین، ڈوہیں کھیڈاڑی عباس دا شکار تھین۔منگل کوں ابوظہبی اچ آڈوجھے اتے ٹیسٹ میچ اچ سرفراز احمد ٹاس جیت تے پہلے بیٹنگ دا فیصلہ کیتے بھل قومی ٹیم دی کھیڈاڑیاں اناڑیاں آلیاکم ڈکھائے،محمد حفیظ4 رنز،اظہر علی 15، حارث سہیل، اسد شفیق اتے بابر اعظم صفر تے آو ¿ت تھی گین، نیتھن لائن چھی گینداں تے چار کھیڈاڑی آو ¿ٹ کرتے ودھ رنز کرنڑ دے پاکستانی منصوبے کوں مٹی کر ڈتے۔ایں دوران سرفراز اتے فخر زمان دی جوڑی ڈٹ تے چھیویں وکٹ تے 147 رنز ودھائن بھل 204 دے سکور تے فخر زمان ڈیبیو سنچری توں صرف 6 رنز پہلے 94 تے ایل بی ڈبلیوتھی گین۔بلال آصف 12 رنزاتے سرفراز احمد وی نروس نائنٹین دا شکار تھی تے 94 رنز تے پویلین ٹر گین۔اتے پوری ٹیم 282 رنزتے ٹر گئی۔یاسرشاہ 28 اتے محمد عباس 10 رنز بنڑائے۔نیتھن لیون 4، لبوشگنے 3، سٹارک 2 اتے مچل مارش ہک وکٹ گھدی۔ جواب اچ پہلے ڈینہہ کھیڈ مکنڑ تئیں آسٹریلوی ٹیم 2 وکٹاں تے 20 رنز بنڑا گھدے ہن۔عثمان خواجہ 3 اتے نائٹ واچ مین پیٹرسڈل 4 رنزبنڑا تے آو ¿ٹ تھین۔ایرون فنچ 13 رنزنال کریز تے کھڑن۔ ڈوہان کھیڈاڑی محمدعباس آو ¿ٹ کیتن۔
