ازبکستان دے وزیر خارجہ عبدالعزیز کاملوف پنج رکنی وفد نال خمیس کوں پاکستان پجسن

اسلام آباد ۔ 31 اکتوبر (اے پی پی)ازبکستان دے وزیر خارجہ عبدالعزیز کاملوف پنج رکنی وفد نال سرکاری دورے تے خمیس کوں پاکستان پجسن۔ازبک وزیر خارجہ پاکستانی ہم منصب شاہ محمود قریشی نال ون ٹو ون ملاقات کریسن جیندے بعد وفود دی سطح تے گالھ مہاڑ تھیسی۔دفتر خارجہ دے ترجمان دے مطابق ازبک وزیر خارجہ وزیر اعظم پاکستان عمران خان نال وی ملسن ۔ ایں سال ازبک وزیر خارجہ دا اے پاکستان دا ڈوجھا دورہ اے۔