امید ہے برادرملک سعودی عرب اتے ترکی عدنان خشوگی دی گمشدگی دے معاملے کوں رل تے حل کریسن ، ترجمان دفتر خارجہ

اسلام آباد ۔ 15 اکتوبر (اے پی پی) دفترخارجہ دے ترجمان آکھیے جو سعودی صحافی عدنان خشوگی دی گمشدگی دے معاملے تے تحقیقات جاری ہے اتے ایندے نتیجے دا انتظار ہی مناسب ہوسی ۔سنوار کوں اتھاں جاری بیان دے اچ ترجمان دفترخارجہ میڈیا ولوں سعودی صحافی دی گمشدگی متعلق سوال تے ڈسایا جو اساکوں پتہ ہے جو ایں معاملے دی تحقیقات تھیندی پئی اے تے اے گال مناسب ہوسی جو ایں ضمن اچ تھیونڑ آلی تحقیقات دا انتظار کیتا ونجے ۔ترجمان ایں معاملے تے سعودی عرب تے ترکی دی سانجھی کوشش دا خیر مقدم کیتے ۔ترجمان آکھیے جو پاکستان دے سعودی عرب اتے ترکی ڈوہیں دے نال نیڑے برادرانہ تعلقات قائم ہن، پاکستان کوں امید ہے جو ڈوہیں برادر ملک ایں معالے کوں رل تے حل کریسن ۔