بین الاقوامی اینٹی کرپشن اکیڈمی دی اسمبلی آف پارٹیز دے ستویں سیشن اچ پاکستان ولوں پیش کیتی گی قرارداد دی اتفاق رائے نال منظوری

اسلام آباد ۔ یکم اکتوبر (اے پی پی) لگسمبرگ اچ واقع بین الاقوامی اینٹی کرپشن اکیڈمی دی اسمبلی آف پارٹیز دے ستویں سیشن دے دوران پاکستان ولوں پیش کیتی گی قرار داد دی منظوری ڈے ڈتی گی ۔ دفترخارجہ ولوں جاری بیان دے مطابق اسمبلی آف پارٹیزدا ستواں سیشن 27 اتے 28 ستمبر کوں آسٹریا دے دارالحکومت ویانا اچ منعقد تھیا ۔ ایں سیشن اچ انٹرنیشنل اینٹی کرپشن اکیڈمی دی لائبریری کو ںمضبوط بنڑاونڑ دے ضمن اچ پاکستان دی قرارداد کوں اتفاق رائے نال منظور کیتا گیا۔ پاکستان دے علاوہ آئی اے سی اے دے بئے فریقاں آسٹریا، ارجنٹائن، برازیل ،مصر ، ملائشیاء، منگولیا ، نائجیریا، رشین فیڈریشن تے ترکی ایں قرار داد کوں پیش کرنڑ اچ معاونت کیتی ۔ ایں اقدا م نال انٹرنیشنل اینٹی کرپشن اکیڈمی دے ایجنڈا سانگے پاکستان دے سیاسی اتے انسداد بد عنوانی دے حوالے نال آگاہی اتے کرپشن دے مختلف پہلوواں دے حوالے نال تحقیق تے زور ڈیونڑ دے عزم دی عکاسی تھیندی اے ۔