اسلام آباد ۔ 17 اکتوبر (اے پی پی) وفاقی وزیر اطلاعات و نشریات چوہدری فواد حسین آکھیے جو حکومت تجاوزات دے خلاف بلا تفریق اپریشن دے ذریعے ارباں روپے مالیت دی سرکاری زمین چھڑائی اے ۔تجاوزات دے خلاف جاری اپریشن سانگے سوشل میڈیا تے کوڑے ویڈیو کلپس کھنڈائے ویندے پن عوام انہاں جعلسازاں توں ہوشیار ہے ۔بدھ کوں اپنڑے ٹویٹ اچ وفاقی وزیر اطلاعات و نشریات چوہدری فواد حسین آکھیے جو تجاوزات دے خلاف اپریشن دا مقصد کہیں غریب، محنت کش، مزدور کوں ضیان پجاونڑ کائنی ، حکومت صرف قانون دی خلاف ورزی کرنڑ آلیں دے خلاف کاروائی دی ہدایت کیتی اے ۔انہاں آکھیا سوشل میڈیا تے انسداد تجاوزات اپریشن دی بدنامی سانگے کوڑے ویڈیو کلپ کھنڈائے ویندے پن تے عوام انہاں توں ہوشیار رہے ۔
