اسلام آباد ۔ 12 اکتوبر (اے پی پی) وزیراعظم عمران خان آکھیے جو فاٹا دے انضمام تے عملدرآمد اتے قبائلی علاقیاں اچ ملک دے بنھاں علاقیاں آلی کار سہولتاں ڈیونڑ ساڈی توجہ دا مرکز اے، حکومت قبائلی علاقیاں اچ لوکل گورنمنٹ دا تیکھے نفاذ یقینی بنڑیسی۔اے گالھ انہاں فاٹا دے سینیٹر دے وفد نال الویندے ہوئین آکھی۔ وفد اچ سینٹر سید شبلی فراز، سینیٹر ہدایت اللہ، سینیٹر ہلال الرحمان، سینیٹر اورنگزیب، سینیٹر تاج محمد، سینیٹر سجاد حسین، سینیٹر حاجی مومن خان اتے سینیٹر مرزا محمد آفریدی شامل ہن۔ ملاقات اچ قبائلی علاقیان دی مجموعی صورتحال، فاٹا انضمام، انتظامی امور تے بئے معاملیاں تے الوایا گئے۔وزیراعظم عمران خان آکھیا جو قبائلی علاقہ جات اچ لوکل گورنمنٹ دے نفاذنال عوام کوں صحیح معنیاں اچ بااختیار بنڑاونڑ اتے ترقیاتی عمل یقینی بنڑاونڑ اچ مدد ملسی۔
