اسلام آباد ۔ 31 اکتوبر (اے پی پی) سپریم کورٹ آف پاکستان آسیہ بی بی کیس اچ محفوظ تھیا فیصلہ بدھ کوں سنڑا ڈتا جئیں اچ سزائے موت کوں کالعدم قرار ڈے ڈتا،بری کرنڑ دا حکم ڈے ڈتا گئے ۔آسیہ بی بی کوں توہین رسالت کیس اچ لاہور ہائی کورٹ سزائے موت سنڑائی ہئی ۔سپریم کورٹ لاہور ہائی کورٹ دے فیصلے دے خلاف اپیل دی سماعت اچ وکیلاں دے دلائل پورے تھیونڑ دے بعد 8اکتوبر کوں فیصلہ محفوظ کیتا ہئی ۔کیس دا فیصلہ چیف جسٹس آف پاکستان میاں ثاقب نثار دی سربراہی اچ جسٹس آصف سعید کھوسہ اتے جسٹس مظہر عالم تے مشتمل ترائے رکنی بنچ سنڑایا۔فیصلے اچ آکھیا گیا جو اگر آسیہ بی بی کہیں بئے کیس اچ مطلوب کائنی تے انہاں کوں رہا کیتا ونجے۔
