اسلام آباد ۔ 10 اکتوبر (اے پی پی) سپیکر قومی اسمبلی اسد قیصر قومی اسمبلی دا ریکوزیشن اجلاس بدھ 17 اکتوبر کوں ڈینھ 11 وجے پارلیمنٹ ہاﺅس اچ سڈ گھدا ۔قومی اسمبلی سیکرٹریٹ دے مطابق اجلاس اچ اہم قومی امورتے غور تھیسی ۔واضح رہے جو مسلم لیگ ن 7اکتوبر کوں سپیکر قومی اسمبلی اسد قیصر نال ملاقات کرتے قومی اسمبلی دا اجلاس سڈنڑ دی ریکوزیشن جمع کرائی ہئی ۔قواعد دے تحت ریکوزیشن جمع تھیونڑ دے بعد سپیکر 14ڈینھ دے اندر اندر اجلاس سڈنڑ دا پابند ہوندے ۔ قواعد دے تحت قومی اسمبلی دا اجلاس 14 ڈینھ دی مدت پوری تھیونڑ توں پہلے ہی سڈ گھدے ۔اجلاس چونکہ اپوزیشن ریکوزیشن کیتے ایں سانگے اپوزیشن توں ہی اجلاس اچ زیر بحث گھن آونڑ سانگے ایجنڈا وی ترتیب ڈتا ویسی ۔
