اسلام آباد ۔ 17 اکتوبر (اے پی پی) وفاقی وزیر اطلاعات و نشریات چوہدری فواد حسین آکھیے جو سپیکر قومی اسمبلی اسد قیصر ریمانڈ دے دوران ہک ملزام کوں ایوان اچ سڈ تے مثال قائم کیتی اے‘ پنجاب اسمبلی اچ اپوزیشن ارکان دا رویہ قابل مذمت اے ،جیویں دھاندلی دے خلاف کمیشن بنڑایا گے ایں طرح ملک دے موجودہ حالات دے ذمے واراں دے تعین سانگے کمیشن بنڑایا ونجے ۔ وزیراعظم صحیح آکھیا ہا جو 50لوکاں کوں جیل اچ ہوونڑاں چاہیدے ،اوہے اے شور پاتی کھڑن لیکن احتساب دا عمل رکنڑ آلا کائنی ۔جنہاں پاکستان دا پیسہ چوری کیتے انہاں دا احتساب ضرور تھیسی ۔سنوا ر کوں پارلیمنٹ ہاﺅس دے باہروں میڈیا نال گال مہاڑ کریندے ہوئیں وفاقی وزیر آکھیا جو احتساب دے عمل توں بچنڑ سانگے اسمبلی دا اجلاس سڈیا گے لیکن سپیکر ولوں ریمانڈ دے دوران ہک مجرم کوں ایوان اچ سڈ تے مثال قائم کیتی گی اے ۔ ماضی اچ پروڈکشن آرڈر جاری کر تے جیل توں لوکاں کوں گھن آیا گیا مگر ریمانڈ دے دوران کہیں کوں ایوان اچ کائنی گھن آیا گیا ۔ وفاقی وزیر آکھیا جو اپوزیشن لیڈر کوں ریمانڈ دے دوران ایوان اچ سڈنڑ دی حکومت مخالفت کائنی کیتی ۔ احتساب دا عمل اساڈا شروع کیتا ہویا کائنی ۔مسلم لیگ ن تے پیپلز پارٹی اپنڑی پسند دے لوک احتساب سانگے لاتے ہوئے ہن ۔وفاقی وزیر آکھیا جو انتخابات اچ پی ٹی آئی جتی اے تاں دھاندلی مسلم لیگ ن جتے تاں دھاندلی کائنی ہوندی ،مرضی دے خلاف نتیجہ آوے تاں جمہوریت کوں خطرہ ہوندے ۔ وفاقی وزیر آکھیا جو کل پنجاب اسمبلی اچ جیویں اپوزیشن رویہ اختیار کیتے اوقابل مذمت اے۔ اے ایں سلسلہ دی کڑی اے ۔ سپیکر پنجاب اسمبلی مسلم لیگ (ن) دے چھی ارکان اسمبلی کوں ایوان توں باہر رکھنڑ دا آرڈر کیتا۔ وفاقی وزیر آکھیا اساں اسمبلی اچ احتساب سانگے بحث تے تیار ہوں۔
