لاہور۔13 اکتوبر(اے پی پی )سپیکر پنجاب اسمبلی چودھری پرویزالٰہی اپنڑی گھر آلی اتے پتر راسخ الٰہی دے نال کپڑے تے ہتھ دی کڑھائی نال قرآن پاک لکھنڑ آلی تریمت نسیم اختر دے گھرگین اتے ایں عظیم کم تے انہاں کوں مبارک ڈتی۔پرویز الہیٰ قرآن پاک دی زیارت وی کیتی۔ بعد اچ میڈیا نال الویندے ہوئیں پرویز الہیٰ دا آکھنڑ ہا جو صدر مملکت نال مل تے کپڑے تے ہتھ دی کڑھائی نال قرآن پاک لکھنڑ آلی تریمت خاتون نسیم اخترکو ںصدارتی اےوارڈڈیونڑ دا مطالبہ کریسن،ایں سانگے وزیراعلیٰ پنجاب سردار عثمان بزدارنال وی ملساں،کیوں جو نسیم اختر اے نویلکلا اتے عظیم کم کر تے گجرات اتے پاکستان دا ناں اچا کیتے۔انہاں آکھیے جو میں سعودی حکومت دا وی شکریہ ادا کرینداں جئیں نسیم اختر دے کم دی قدر کیتی اے اتے مسجد نبویﷺ دی لائبریری اچ ایندا لکھیا ہویا نسخہ رکھیے، حکومت اینجھے کم دی حوصلہ افزائی کرے اتے ایں ہنر کوں اگو تے ودھاونڑ کیتے ہک ادارہ بنڑاوے۔
