اسلام آباد ۔ 5 اکتوبر (اے پی پی) وفاقی وزیر اطلاعات و نشریات چوہدری فواد حسین آکھیا جو نیب ’ آشیانہ ہاﺅسنگ سکیم سکینڈل اچ سابق وزیراعلی پنجاب محمد شہباز شریف کوں گرفتار کر گھدے،پاکستان تحریک انصاف دی حکومت انہاں تے کوئی مقدمہ کائنی بنڑایا ،انہاںد ے خلاف اے مقدمہ پچھلی حکومت اچ شروع کیتا گئیا،وڈے وڈے مقدمیاں اچ ملوث بندیاں کوں پکڑنڑاں چاہیدے،ملزماں دی گرفتاری یا ریڈ وارنٹ دے ذریعے باہر لے ملکوں ملزماں کوں پاکستان واپس گھن آونڑ سانگے حکومت نیب اتے بئے تحقیقاتی اداریاں کوں پورا تعاون کریسی،عوام وی ایہو چاہندی اے جو ملک کوں لٹنڑ آلیاں دا احتساب تھیوے۔جمعہ کوں اپنڑے ہک بیان اچ انہاں آکھیا جو نیب ’ آشیانہ ہاﺅسنگ سکیم سکینڈل اچ سابق وزیراعلی پنجاب محمد شہباز شریف کوں گرفتار کر گھدے جیڑھا جو خوش آئند اے۔
