صاف اتے سرسبز و شاداب مہم اچ ودھ حصہ گھن تے تے ایکوں ہر کوئی کامیاب بنڑاوے،صدر مملکت ڈاکٹر عارف علوی داصاف و سرسبز و شاداب پاکستان مہم دی تقریب نال خطاب

APP50-13 ISLAMABAD: October 13 - President Dr Arif Alvi addressing the Clean and Green Pakistan Campaign. APP

کراچی ۔ 13 اکتوبر (اے پی پی) صدر مملکت ڈاکٹر عارف علوی عوام اتے متعلقہ حکومتی اداریاں کوں آکھیے جو او صاف اتے سرسبز و شاداب مہم اچ ودھ تے اپنڑا حصہ پاون۔ او پنج سالہ صاف و سرسبز و شاداب پاکستان مہم دے ایکشن ڈے سانگے ہک تقریب نال خطاب کریندے پئے ہن۔انہاں آکھیا جو پیغمبر اسلام حضرت محمد پنڑے پیرو کاراں کوں صاف ستھرے ماحول دی تلقین کیتی اے۔ تقریب اچ کراچی دے میئر وسیم اختر، عوامی نمائندگان اتے بیاں اہم شخصیات وی موجود ہن۔صدر مملکت آپ گند کُجا چاءتے صفائی دی اہمیت دا عملی مظاہرہ کیتا اتے شہریان کون آکھیا جو او اپنڑے گھر، گلی، محلے کوں صاف رکھین تاں جو ملک اچ صفائی دی اہمیت ودھے ، ماحول پاکیزہ تھیوے ۔انہاں صفائی دے طبی، مذہبی اتے سماجی فائدے وی گنڑوائے۔ صدر مملکت آکھیا جو صاف اتے سرسبز و شاداب پاکستان مہم دی کامیابی نال ملک اچ پانڑی دی قلت دا مسئلہ وی حل تھیسی، ایندے تے فوری توجہ ڈیونڑی چاہیدی اے۔