کراچی ۔ 31 اکتوبر (اے پی پی) صدر مملکت ڈاکٹر عارف علوی امید کیتی اے جو ریلوے نظام تیکھے جدید تھی ویسی،ریلوے تے مال برداری تے توجہ ڈتی ونجے،دھابیجی ٹرین سروس نال کراچی اتے نیڑے دے شہریاں کوں سوکھ ملسی۔اے گالھ انہاں دھابیجی ٹرین سروس دی افتتاحی تقریب نال خطاب اچ آکھی۔ انہاں افتتاح تے وفاقی وزیر ریلوے شیخ رشید احمد کوں مبارک ڈیندے آکھیا جو دھابیجی ٹرین سروس نال کراچی دے لوکاں کوں فیدہ ملسی جیکر ٹرین ویلھے تے آسی ویسی تاں بہوں فیدے اچ راہسی کیون جو ٹرانسپورٹ کراچی دا بہوں پرانڑاں مسلہ اے،ریلوے پوری دنیا اچ سفر دا سب توں چنگاں نظام ہا بھل ایندے تے توجہ نئیں ڈتی گئی،ہنر80 فیصد توں ودھ مال برداری سڑکاں نال کیتی ویندی اے، چنگاں ہوسی جو محکمہ ریلوے 50توں 60 فیصد فریٹ سڑک توں ٹرین تے شفٹ کرے، کراچی اچ سرکلر ریلوے بہوں ضروری اے۔ ایں موقع تے وفاقی وزیر ریلوے شیخ رشید احمدآکھیا جو ریلوے کوں ترقی دی پٹڑی تے سٹ ڈیساں، قسم کھادی ہے جو آرام نہ باھساں اتے ڈینہہ رات کم کریساں،ہنڑ تئیں کئی نویاں ٹریناں چلا ڈتن، ہک سال دے اندرو ریلوے کوں خسارے توں کڈھ گھدا ویسی۔
