اسلام آباد ۔ 9 اکتوبر (اے پی پی) صفرالمظفر 1440ھ دا چندر ڈیکھنڑ سانگے مرکزی رویت ہلال کمیٹی دا اجلاس (اج) بدھ کوںمحکمہ موسمیات دے ہیڈ آفس کراچی اچ تھیسی ۔ اجلاس دی صدارت مرکزی رویت ہلال کمیٹی دے چیئرمین مفتی منیب الرحمن کریسن جڈاں جو زونل اتے ضلعی رویت ہلال کمیٹیاں دے اجلاس اپنڑیاں اپنڑیاں جہیں تے تھیسن ۔ وفاقی دارالحکومت اسلام آباد دی زونل کمیٹی دا اجلاس وزارت مذہبی امور و بین المذاہب ہم آہنگی میلوڈی اچ تھیسی ۔پورے ملک توں شہادتاں موصول تھیونڑ دے بعد چندر دی رویت دا اعلان مرکزی رویت ہلال کمیٹی ولوں کیتا ونجے ۔
