) ضمنی الیکشن اچ قومی اسمبلی دیاں 11، صوبائی اسمبلیاں دی 24 نشستاں تے پولنگ چوڈاں اکتوبر کوں تھیسی

اسلام آباد ۔13 اکتوبر (اے پی پی) ضمنی الیکشن اچ قومی اسمبلی دیاں 11، صوبائی اسمبلیاں دی 24 نشستاںتے پولنگ (آڈت آلے ڈینہہ )چوڈاں اکتوبر کوں تھیسی۔پنجاب اچ حساس پولنگ اسٹیشن، اسلام آباد، اٹک، راولپنڈی، چکوال، گجرات، فیصل آباد، لاہور، جہلم، ٹوبہ ٹیک سنگھ، ساہیوال، ملتان، رحیم یار خان اور ڈی جی خان، سندھ دے کراچی ایسٹ، خیرپور، ملیر، صوبہ خیبر پختونخوا دے بنوں، سوات، صوابی، مردان، نوشہرہ، پشاور اتے ڈیرہ اسماعیل خان، بلوچستان دے مستونگ اتے خضداردے کئی پولنگ اسٹیشن حساس قرارڈتے گین جتھاں انتخابی مواد پچا ڈتا گئے۔قومی اسمبلی دیاں 11 نشستاں تے 122 امیدوارمیدان اچ ہین۔ ضمنی انتخابات این اے 131 لاہور، این اے 124 لاہور II، این اے 103 فیصل آباد III، این اے 35 بنوں، این اے 243 کراچی، این اے 69 گجرات، این اے 65 چکوال، این اے 63 راولپنڈی، این اے 60 راولپنڈی، این اے 56 اٹک اتے این اے 53 اسلام آباد شامل ہین۔ الیکشن کمیشن دے مطابق پولنگ دا عمل سویلے 8 وجے توں شامی پنج وجے تئیں جاری رہسی۔ رجسٹرڈ آئی۔ووٹرز وی پاکستانی ویلھے دے مطابق اپنڑی الیکشن کمیشن آئی ڈی دے ذریعے ووٹ پا سگسن۔