ضمنی انتخابات اچ تحریک انصاف دی فتح نویں حکومت تے عوام دے اعتماد دا واضح ثبوت ہے،وفاقی وزیر منصوبہ بندی، ترقی و اصلاحات مخدوم خسرو بختیار

اسلام آباد ۔ 15 اکتوبر (اے پی پی) وفاقی وزیر منصوبہ بندی، ترقی و اصلاحات مخدوم خسرو بختیار آکھیے جو ضمنی انتخابات اچ پاکستان تحریک انصاف دی فتح نویں حکومت تے عوام دے اعتماد دا واضح ثبوت اے ۔اے پی پی نال خصوصی گال مہاڑ دے دوران انہاں آکھیا پاکستان بالخصوص رحیم یار خان دے پی ٹی آئی ورکرز پی ٹی آئی دے امیدوار کوں واضح طور تے کامیاب کرائے جیں تے او انہاں دا شکریہ ادا کریندن ۔پنجاب اسمبلی دے صوبائی حلقہ پی پی 261 رحیم یار خان 7 تے ضمنی انتخابات دے نتیجے آگن ، ایں نشست تے پی ٹی آئی دے امیدوار فواد خان زبردست کامیابی حاصل کیتی ۔ انہاں 29526 ووٹ گھدے جڈاں جو انہاں دے مقابلے اچ پی پی دے امیدوار مخدوم حسن رضاہاشمی 14995 ووٹاں دے نال ڈوجھے نمبر تے رہیے ۔