اسلام آباد ۔ 3 اکتوبر (اے پی پی) وزیراعظم عمران خان آکھیا جو فوجداری نظام انصاف دی اصلاح اتے شہریاں دی سوکھ اتے فوری انصاف تئیں رسائی کوں یقینی بنڑاونڑ پاکستان تحریک انصاف دی حکومت دے ایجنڈے اچ پہلی حیثیت رکھیندے،حکومت ایجھا نظام گھن آونڑ سانگے پرعزم اے جئیں نال شہریاں اتے عدلیہ کوں انصاف دی تکھے سہولت مل سگے۔اے گالھ انہاں بدھ کوں وزیراعظم چیمبر اچ وزارت قانون تے انصاف بارے بریفنگ دے موقع تے گالھ مہاڑ کریندیں ةوئیں آکھی۔وفاقی وزیر قانون و انصاف ڈاکٹر محمد فروغ نسیم، وزیر خزانہ اسد عمر، وزیراعظم دے مشیر شہزاد ارباب، اٹارنی جنرل انور منصور، پارلیمانی سیکرٹری ملیکہ علی بخاری، سیکرٹری قانون اتے سینئر حکام وی بریفنگ اچ موجود ہن ۔ وزیر قانون محمد فروغ نسیم اجوکے انصاف دے نظام اچ مختلف طریقہ جاتی اتے قانونی رخناں جیڑھی جو عوام کوں انصاف ڈیونڑ اچ غیر ضروری دیر دا سبب بنڑدن،بارے دیوانی مقدمہ بازی اچ اصلاحات بارے بریفنگ ڈتی۔
