قائد ملت لیاقت علی خان شہیددی 67 ویں برسی عقیدت تے احترام نال منائی گئی اساکوں لیاقت علی خان دے بنڑائے گے تابناک رستے اتے انہاں دے اختیار کیتے گے اصولاں دی سختی نال پیروی دی ضرورت اے، صدر مملکت ڈاکٹر عارف علوی دا پیغام

اسلام آباد ۔ 16 اکتوبر (اے پی پی) پاکستان دے پہلے وزیراعظم قائد ملت لیاقت علی خان شہید دی67 ویں برسی منگل کو ںعقیدت واحترام نال منائی گی ۔ایں موقع تے اپنڑے پیغام اچ صدر مملکت ڈاکٹر عارف علوی قائد ملت لیاقت علی خان دے تصورات اتے تعلیمات دے ودھارے دے عزم دا اعادہ کریندے ہوئیں آکھیے جو اساکوں پاکستانی دی ریاست سانگے لیاقت علی خان دے بنڑائے گے تابناک رستے انہاں دے اختیار کیتے گے اصولاں دی سختی نال پیروی کرنڑ دی ضرورت اے ۔صدر مملکت آکھیا جو لیاقت علی خان پاکستان دے بانیاں اچوں ہک ہن جنہاں بابائے قوم قائداعظم محمد علی جناحؒ دے نال رل تے برصغیر دے مسلماناں سانگے انجھ وطن دے حصول سانگے جدوجہد کیتی ، انہاں دی خدمات تحریک آزادی دی تاریخ اچ سنہری باب اے، پاکستان دے پہلے وزیراعظم اتے قائداعظم دے بہون بااعتماد رفیق کار دی حیثیت نال انہاں نویں ریاست خاص طور تے مہاجراں دی بحالی سانگے ودھ ساری خدمت کیتی ۔