اسلام آباد ۔ 23 اکتوبر (اے پی پی) قومی اسمبلی دا شیڈول اجلاس 29 اکتوبر کوں سڈیا ویسی۔اجلاس اچ اہم قومی امور سمیت ایوان دی معمول دی کارروائی نبیڑی ویسی۔ قومی اسمبلی سیکرٹریٹ ذرائع ”اے پی پی“ نال گال بات دوران ڈسائے جو اپوزیشن ولوں قومی اسمبلی اجلاس دی ریکوزیشن جمع کرائی گی ہے ، ریکوزیشن جمع کراونڑ دے بعد سپیکر تے لازم ہے جوا و14 ڈینھ دے اندر قومی اسمبلی دااجلاس سڈ گھنے۔اپوزیشن دی ریکوزیشن مطابق ایہ مدت پہلی نومبر کوں پوری تھیندی پئی ہے تاں جو حکومت فیصلہ کیتے جو قومی اسمبلی دا شیڈول اجلاس 29 اکتوبر کوں سڈیا ونجے۔ ذرائع دا آکھنڑ ہا جو قواعد مطابق اپوزیشن دی ریکوزیشن وی برقرار راہسی اتے شیڈول اجلاس دوران کہیں ہک ڈینھ اپوزیشن دا ایجنڈا زیر غور گھن آیا ونج سگدے ۔
