اسلام آباد ۔20 اکتوبر(اے پی پی) قومی اسمبلی دی ہک تے صوبائی اسمبلی دیاں ڈو سیٹاں تے ضمنی الیکشن سانگے پولنگ اج اتوار کوں تھیسی ۔ الیکشن کمیشن توں جاری کیتے گے شیڈول دے مطابق قومی اسمبلی دے حلقہ این اے 247 کراچی، سندھ اسمبلی دے حلقہ پی ایس 111 کراچی اتے کے پی کے اسمبلی دے حلقہ پی کے 76 پشاور اچ ضمنی انتخاب اتوار کوں تھیسی ۔ پولنگ سویلے 8 وجے توں شام 5 وجے تئیں بغیر کہیں وقفے دے جاری رہسی ۔ ضمنی انتخاب سانگے سارے انتظامات پورے کر گھدے گن ۔ قومی اسمبلی دے حلقہ این اے 247 کراچی اچ 16امیدوار مدمقابل ہن، سندھ اسمبلی دے حلقہ پی ایس 111 کراچی اچ 12اتے کے پی کے اسمبلی دے حلقہ پی کے 71 پشاوراچ 5امیدوار مد مقابل ہن ۔
