اسلام آباد ۔ 4 اکتوبر (اے پی پی) دفتر خارجہ دے ترجمان ڈاکٹر محمد فیصل آکھیے جو پاکستان ہمسائیں نال امن چاہندے،پاک بھارت مسلیاں دے حل کیتے ہکو رستہ مذاکرات ہی ہین،امریکہ نال تعلقات چنگے تھیندے پین، قومی مفادات تے کوئی سمجھوتہ نہ کیتا ویسی۔ہفتہ وار پریس بریفنگ اچ انہاں آکھیا جو پاک امریکا تعلقات اچ پیش رفت تھیندی پئی اے، وزیر خارجہ دا امریکا دا دورہ اتے اقوام متحدہ دی جنرل اسمبلی اجلاس اچ شرکت دے چنگے نتیجے نکلین اتے پاکستان واضح کر ڈتے جو پاکستان ہمسائیں نال امن چاہندے،پاک بھارت مسلیاں دے حل کیتے ہکو رستہ مذاکرات ہی ہین اتے قومی مفادات تے کوئی سمجھوتہ نہ کیتا ویسی، کرتار پورہ سرحد کھولنڑ دا فیصلہ اوں ویلھے کتیا ویسی جڈاں ڈوہان ملکاں اچ مذاکرات تھیسن،سارک ملکاں دے وزراءخارجہ سارک سربراہ اجلاس کیتے پاکستان آونڑکوں تیار ہین بھل بھارت کنڈے سٹیندا پئے،اساں صرف امن کیتے کوشش ہی کرسگدے ہیں،عالمی عدالت انصاف اچ کلبھوشن یادیو کیس دی سماعت 18 فروری کوں تھیسی جیندے کیتے پاکستان دی پوری تیاری اے جڈاں جو شکیل آفریدی بارے پاکستان دے موقف اچ کوئی لچک کائنی آئی۔انہاں ڈسائے جوبرطانیہ اچ ہائی کمشنر صاحبزادہ احمد خان دے خلاف ایکشن گھدا ویندا پئے، انہاں کوں پاکستان سڈا گھدا گئے۔ترجمان آکھیا جو افغانستان پاکستان ایکشن پلان دے تحت متعدد اقدامات کیتے گین، ایں سانگے ایکشن پلان دا آندا اجلاس اسلام آباد اچ تھیسی۔
