ماحولیاتی وگاڑ تے ایندے اسباب تے قابو پاونڑ سانگے سارے سرکاری تے نجی اداریں کوں رل تے کم کرنڑاں ہوسی ،وزیرمملکت زرتاج گل وزیر

اسلام آباد ۔ 21 اکتوبر (اے پی پی) وزیرمملکت زرتاج گل وزیرآکھیے جو پاکستان اچ قدرتی وسائل دے غیر منصفانہ تے بے رحمانہ استعمال پاروں ملک اچ اج پیونڑ دے صاف پانڑیں دی گھٹکی ،ماحولیاتی وگاڑ تے جنگلا ت دے رقبے اچ گھٹکی ،زمینی ہوائی تے آبی تے دریائی آلودگی تے صحت دے مختلف مسلیں نال ڈو چار اے ۔تاں جو انہاں مسلیں دا حل قدرتی وسائل دے ضیان کوں روک تے انہاں دے ہر سطح تے پائیدار استعمال کوں یقینی بنڑاونڑ اچ ممکن اے ۔ اتوار کوں شکرپڑیاں اچ کلین اینڈ گرین پاکستان مہم دے حوالے نال تقریب نال خطاب کریندے ہوئیں انہاں آکھیا جو پاکستان اچ ماحولیاتی وگاڑ تے ایندے اسباب تے قابو پاونڑ سانگے سارے سرکاری تے نجی اداریں کوں رل تے کم کرنڑاں ہوسی ۔وزیر مملکت زرتاج گل وزیر آکھیا جو ایں پروگرام دا خاص مقصد شجر کاری تے صفائی ستھرائی متعلق لوکاں اچ آگاہی ڈیونڑ اے کیوں جو پاکستان کوں ساوا تے صاف کرنڑ سانگے عام لوکاں دا کردار ادا کرنڑ سانگے قدرتی وسائل دے تحفظ تے شجر اچ ودھارے تے پانڑیں دے منصفانہ استعمال متعلق آگاہی ڈیونڑ بہوں اہمیت رکھیندی اے ۔