اسلام آباد ۔ 10 اکتوبر (اے پی پی) وفاقی وزیر برائے اطلاعات و نشریات فواد حسین چوہدری آکھیے جو مشاہد اﷲ خان اپنڑا خاندان پی آئی اے اچ بھرتی کراکتے ایندا بیڑا بوڑ ڈتے،کیہڑی گالھ تے معذرت کراں؟اپوزیشن کوں وی ساڈی گالھ سنڑنی چاہیدی اے۔ سینیٹ اچ وقفہ سوالان دے دوران الویندے ہوئیں وفاقی وزیر اطلاعات و نشریات جواب ڈیونڑ آئن تاں اپوزیشن انہاں توں معافی دا مطالبہ کیتا۔ایندے تے وفاقی وزیر اطلاعات و نشریات آکھیے جو کیا مشاہد اﷲ خان دے بھرا پی آئی اے اچ ملازم کائنا ہن؟کیاانہاں بیرون ملک علاج کیتے 54 ہزار پاﺅنڈکائنی گھدے؟جیویں اساں اپوزیشن دی گالھ حوصلے نال سنڑی اے ایویں انہاں کوں وی صبر کرنڑاں چاہیدے،خورشید شاہ دی کابینہ کمیٹی بہوں ودھ سرکاری ملازمین 1996ءتوں بحال کیتن۔ پی آئی اے، پاکستان سٹیل ملز، پی ٹی وی، ریڈیو جھیں ادارے خسارے اچ ہین، اینجھے الزاماں تے مشاہد اﷲ خان اتے خورشید شاہ توں معافی نہ منگساں۔
