معذور لوک اتے بال تے تریمتاں کوں صحت دیاں بہترین سہولتاں ڈیونڑ اساڈی پہلی ترجیح اے ،وفاقی وزیر صحت عامر محمود کیانی

اسلام آباد ۔ 6 اکتوبر (اے پی پی) وفاقی وزیر صحت عامر محمود کیانی آکھیے جو معذور لوک اتے بال تے تریمتاں کوں صحت دیاں بہترین سہولتاں ڈیونڑ اساڈی پہلی ترجیح اے۔وفاقی دار الحکومت اسلام آباد اچ چار نویں ہسپتال بنڑائے ویسن تے صحت دے شعبے کوں اپ گریڈ کرتے ہیلتھ سٹی بنڑایا ویسی ۔اے گال انہاں گزریل ڈینھ اسلام آباد دے ہسپتالا ں دے اچانک دورے دے موقع تے اپنڑے خطاب اچ آکھی ۔ وزیر صحت آکھیا معذور لوک ،بال اتے تریمتاں کوں بہترین صحت دیاں سہولتاں ڈیونڑ اساڈی پہلی ترجیح اے ۔انہاں آکھیا غربت دی وجہ توں لوک اپنڑاں علاج نی کر وا سگدے کے پی کے دے طرز تے پورے ملک اچ ہیلتھ کارڈ دادائرہ وسیع کریندے پیوں ۔ وفاقی وزیرآکھیا جو پورے پاکستان اچ صحت دا نظام بہتر کریسوں اے وزیر اعظم عمران خان دا وژن ہے۔انھاں آکھیاوزیر اعظم عمران خان دی ہدایت تے اج نرم ہسپتال دا وی دورہ کیتے کیوں جو وزیر اعظم معذورلوکاں کوں علاج معالجے دیاں بہترین سہولتاں دی فراہمی چاہندن ۔