اسلام آباد ۔ 13 اکتوبر (اے پی پی) مشیر وزیراعظم برائے موسمیاتی تبدیلی ملک امین اسلم خان ملک امین اسلم خان سید پور ویلیج اسلام آباداچ وزیراعظم دی صاف وسرسبزوشاداب پاکستان مہم دا افتتاح کیتے۔تقریب اچ طلبائ، سول سوسائٹی، غیر ملکی شخصیات اتے میڈیا دے نمائندیان شرکت کیتی۔ ایں موقع تے ملک امین اسلم خان دا آکھنڑ ہا جو کلین گرین پاکستان مہم اچ شجرکاری، سالڈ ویسٹ مینجمنٹ اتے لیکوئیڈ ویسٹ مینجمنٹ، نویںٹائیلٹس دا قیام اتے صفائی ستھرائی تے توجہ ڈتی ویسی،صاف اتے سرسبز و شاداب پاکستان مہم دا باضابطہ آغاز خوش آئند اتے نویں پاکستان دی علامت اے،پورے ملک اچ ایں مہم دا آغاز کر ڈتا گئے،ساڈی کوشش اے جو صفائی، ماحولیاتی آلودگی اتے ودھ توں ودھ درخت و جنگلات لاونڑ کیتے شہریاں کون سعور ڈتا ونجے،ملک گیر قومی مہم اچ حکومت دے نال نال امداد ڈیونڑ آلے اداریاں اتے ایجنسیاں نال وی رابطہ کیتا ویسی تاں جو ماحولیاتی تبدیلی، صفائی ستھرائی اتے ودھ جنگلات لاونڑ کیتے لوکاں دی سوچ بدلی ونج سگے۔تقریب اچ وفاقی وزیر ملک امین اسلم خان اتے غیر ملکی شخصیات بوھاری ڈے تے مہم دا باقاعدہ افتتاح کیتے ۔ انہاں کلین گرین پاکستان آرٹ مقابلے اچ اول، دوم اتے سوم آونڑ آلے طلباءاچ نقد انعامات ونڈین۔
