اسلام آباد ۔ 5 اکتوبر (اے پی پی) وفاقی وزیر پٹرولیم غلام سرور خان آکھیے جو ملک اچ منظور شدہ گیس سکیماں تے عملدرآمد کوں یقینی بنڑایا ویسی۔ جمعے کوں سینٹ اچ وقفہ سوالات دوران سینیٹر ثمینہ سعید دے سوال دے جواب اچ انہاں آکھیا جو بین الوزارتی کمیٹی برائے گیس ترقیاتی سکیماں تحت اپریل 2018ءاچ ضلع صوابی دے علاقے چارباغ توں شوانڈ تئیں گیس ڈیونڑ دی سکیم تجویز کیتی گی ہائی۔ بعد اچ الیکشن کمیشن دی پابندی دی وجہ نال اینکوںکابینہ توں منظوری نہ مل سگی۔ انہاں آکھیا جو جیرھیاں سکیماں وی منظور شدہ ہن انہاں تے عمل کیتا ویسی ،کیونجو فنڈز دا وی مسئلہ ہوندے۔
