ملک اچ ٹیکسٹائل دے نظام کوں پرو گروتھ بنڑاونڑ سانگے ٹیکس ریفارم کمیٹی قائم کر ڈتی گی اے ،مینو فیکچرنگ دی سطح تے ٹیکس دی بھرمار کوں ختم کرنڑ سانگے ضروری اقدامات کیتے ویسن ،وفاقی وزیر خزانہ اسد عمر

فیصل آباد۔21 اکتوبر(اے پی پی )وفاقی وزیر خزانہ اسدعمرآکھیے جو ملک اچ ٹیکسٹائل دے نظام کوں پرو گروتھ بنڑاونڑ سانگے ٹیکس ریفارم کمیٹی قائم کر ڈتی گی اے جڈاں جو مینو فیکچرنگ دی سطح تے ٹیکس دی بھرمار کوں ختم کرنڑ سانگے خصوصی اقدامات کیتے ویسن ۔ آل پاکستان ٹیکسٹائل پروسیسنگ ملز ایسوسی ایشن دی تقریب نال خطاب دے دوران انہاں آکھیا جو محدود وسائل دے باوجود ٹیکسٹائل سیکٹر کوں ودھ توں ودھ سہولتاں ڈیونڑ سانگے کم کریندے پیوں ۔انہاں ایں سلسلے اچ گیس دی فراہمی سانگے 44ارب روپے دی سبسڈی دا ذکر کیتا تے آکھیا جو ایندے نال ملکی سطح تے پیداواری عمل کوں تکھا کرنڑ دے علاوہ لوکاں سانگے روزگار دے نویں موقع پیدا کیتے ونج سگسن ۔ گیس انفراسٹرکچر ڈویلپمنٹ سیس دا ذکر کریندے ہوئیں انہاں آکھیا جو او سیاست توں پہلے بزنس کریندے ہن ایں سانگے او چاہسن جو ایں مسلے کوں وختی طور تے متعلقہ سٹیک ہولڈرز دیاں ضرورتاں دے مطابق حل کیتا ونجے ۔