اسلام آباد ۔ 16 اکتوبر (اے پی پی) وزیر مملکت مواصلات مراد سعید آکھیے جو ملک توں وی آئی پی اتے پروٹوکول کلچر دا خاتمہ، ودھ گاڈیاں رکھنڑ آلے اداریں دے افسراں دے خلاف کاروائی تے کرپشن ختم کریسوں ،50لکھ گھراں دے منصوبے تے کم شروع تھی گے۔ڈھائی لکھ بالااں کوں سکول بھیجنڑ دا عزم کر رکھیے وختی اوکھے وقت توں نکل آسوں ۔اے گال انہاں وزارت مواصلات دے ذیلی ادارے این ایچ اے دے زیراہتمام وڈیاں چھوٹیاں 76 گاڈیاں دی نیلامی دے موقع تے صحافیاں نال گال مہاڑ کریندے ہوئیں آکھی ۔انہاں آکھیا اداریں اچ کرپشن ناسور وانگوں کھنڈ گی اے ،گاڈیاں دی نیلامی نال حکومت پروٹوکول دے نظام دا خاتمہ کر ڈتے ،اسفراں 15,15تے 20,20گاڈیاں رکھیاں ہوئیاں ہن ،عوام دے پیسے تے عیاشیاں کریندے ہن ہنڑ اینویں کائناں تھیسی ۔قانونی اجازت توں ودھ گاڈیاں رکھنڑ آلے افسر قانون دی وکیڑ اچ آسن ۔انہاں دے خلاف کاروائی کیتی ویسی ،انہاں آکھیا این ایچ اے اچ اتوں توں تلے تئیں کرپشن دا خاتمہ کر ڈیسوں ۔میڈی وزارت اچ بد عنوان افسر تے اہلکاراں سانگے کوئی جاہ کائنی ۔ہک سوال دے جواب اچ انہاں آکھیا جو وزارت مواصلات دے ذیلی ادارے این ایچ اے دی مجموعی طور تے 219گاڈیاں کوں نیلام کیتا ویسی جیں اچوں این ایچ اے ہیڈ کوارٹر اچ 76گاڈیاں دی نیلامی دا کم اج کر گھدا ویسی ۔ہک سوال دے جواب اچ انہاں آکھیا جمہوریت دا مطلب عوام دی دولت کوں لٹ تے عیاشیاں کرنڑ کائنی بلکہ اے عوام دی ترقی تے خوشحالی سانگے پیسے خرچ کرنڑ دا ناں اے ۔
