اسلام آباد ۔ 16 اکتوبر (اے پی پی) وفاقی وزیر اطلاعا ت و نشریات چوہدری فواد حسین آکھیے جو ضمنی الیکشن اچ پاکستان تحریک انصاف سب توں ودھ 11لکھ ووٹ گھدن،پی ٹی آئی اتے اتحادی جماعتاں 17نشستاں تے جیتن،نتائج واضح ہین جوضمنی انتخابات پہلی واری حکومتی اثرو رسوخ دے بغیرشفاف انداز اچ تھین، حکومت پہلی واری ضمنی انتخابات اچ ہک نویں اتے مثبت روایت ڈتی اے۔پریس کانفرنس اچ انہاں دا آکھنڑ ہا جو نتائج واضح ہین جو عوام پی ٹی آئی دے نال ہین،پہلی واری ضمنی الیکشن کیتے اضلاع دی سطح تے کمیٹیاں دی سربراہی ڈی سی، پولیس، ریونیو افسران کوں نئیں ڈتی گئی،اتے پوری اپوزیشن رل تے وی پی ٹی آئی کوں نئیں ہرا سگی،بنوں اتے اٹک اچ وی شکست بہوں ودھ امیدواراں پاروں تھئی اے جیندا فیدہ مخالف جماعتاں چاتے۔
